Baaba Bhaaratee, Khadagasinh, Aur Unka Ghoda - Hindi Kahani

baaba bhaaratee ke paas ek bahut sundar ghoda tha, jo bahut tej hava ke samaan daudata tha. baaba bhaaratee jaise kisaan apane lahalahaate khet ko dekhakar harshit hota rahata hai. vaise hee baaba bhaaratee apana ghoda dekhakar khush hote the. inake ghoda ke gun ka bakhaan bahut door door tak phail chooke the.

ek din khadagasinh daakoo ghoda ko dekhane ke lie baaba bhaaratee ke paas aaya. ghoda ko dekha aur kuchh door tak res bhee kiya aur ant mein baaba bhaaratee se kaha kee yah ghoda mujhe de do anyatha mai ise jabaradastee lekar hee jaoonga. baaba bhaaratee ne isapar kuchh nahin bola maatr apanee chaukashee ghoda par rakhane laga.

us din se khadagasinh ghoda ko apane aankhon mein basa liya tha. aakhir vo din aa hee gaya. khadagasinh ek apaahij ka roop dhaaran kar sadak ke kinaare kambal odhakar baith gaya tha. baaba bhaaratee apane ghoda ko prati din do mil tak tahalaane le jaaya karata tha. us din bhee baaba bhaaratee apana ghoda ko tahalaane nikaala tha ki raste mein aane dekha ki ek apaahij kambal odhakar kah raha tha ki koee paropakaaree hai jo mujhe kareeb ek meel tak jaakar chhod sake. baaba bhaaratee ne socha yah ghoda kis din ke lie kaam mein aaega. usane apaahij ko ghoda par bithaakar lagaam dekar khud paidal chalane laga. kuchh door jaane par apaahij ne ghoda ko dauda diya. lagaam haath se chhootate hee apaahij ne kaha ki mai khadagasinh hoon. aapaka ghoda mujhe lena tha isalie is prakaar le liya. isapar baaba bhaaratee ne kaha kee jo baat kahakar mujhe thaga hai vo kisee aur se mat kahana varana duniya ke log kabhee apaahij par vishvaas nahin karenge. mera aapase bas itana hee aagrah hai.

daakoo khadagasinh ko baaba bhaaratee kee baat kaanon mein goonjane laga aur baar baar yahee sochata raha kee sach mein apaahij par koee bhee vishvaas nahin karega. atah daakoo khadagasinh ne apana nirnay badala aur ghode ko baaba bhaaratee ke astaval mein baandh aae. subah hote hee jab baaba bhaaratee ne apana ghoda dekha to khushee se phoole nahin samae. isapar daakoo khadagasinh ne kaha ki aap haarakar bhee jeet gaye, aur main jeetakar bhee aapase haar gaya.

Baaba Bhaaratee, Khadagasinh, Aur Unka Ghoda - Khani Khatm